(=)(=)EMAITZA(=)(=)

Iparraldeko Gaztetxeen Kolektiboa ez da gauza berria. Jadanik agertu izan da. Baita desagertu ere. Aldi honetan, eraberriturik dator kolektiboa. Orotarat 20 bat gaztetxe eta gazte asanblada elkartu dira proiektua berpiztu eta garaian beste batzuek hasitako lanari jarraipena emateko.

«Gaztetxeen Kolektiboa tresna bat ez ezik, behar bat ere bada, gaztetxe eta gazte asanbladek elkarrekin lanean jarduteko duten beharra». Horrela azaltzen dute gaztetxe eta gazte asanbladen arteko komunikazioa eta elkar laguntza xede duen kolektiboa berpizteko lanean diren gazteek

Hilabeteak eman dituztela proiektua elikatzen azaltzen dute baitaere, «herri ezberdinetan egurra bilduz, su ikusgarri bat pizteko asmotan». Eta heldu da momentua. Larunbatean, Kanboko ezker paretan, «bizi ditugun momentu ilunen gainetik argi izpiak aterako direla» iragartzen dute.

«Gazteok erakutsiko dugu, sistemari aurre egiteko antolatzeko gai girela eta elkarlanaren bidez, alternatibak eraikitzen dakigula» nabarmentzen dute. Hala, kontzertu bat proposatzen garai berriak abiatzeko. Kanboko ezker paretan, gaueko 21.00etatik aitzin, P.I.B. All Star, Hesian, Hurmurao eta L.D.K.O. izanen dira. Sarrera: 8 euro.